بهواك بكل اللغــات

بهواك يا كامل الصفات
وبدوب العمر امنيات
قدام جميع الناس بقول
بهواك بى كل اللغات

ما ساقنى ليك تاج الجمال
لا الروعه يا الفقت الخيال
آسرنى فيك يا مزدهى
الرقه والحن والدلال
وعجبنى فيك و ساقنى ليك
انك قريب من الكمال

الخلا قلبى أسير هواك
الطيبه و الطبع الفريد
لا القدله لا الصوت لا القوام
الفى البشر معدوم نديد
لا الضحكه لا أجمل عيون
لا القامه لا نونة الخديد

مكتول هواك مغرم كتير
كاتلنى ريدك و الولف
ومعاك سعيد بحيا العمر
زى الفراش حولك أرف
ما انت سيد الروح بقيتة
للناس بقولا و بعترف